فضيحة سنة 2000

مشكلة سنة 2000 بزراعة الشاطبى (أقرأ الفضيحة)

إبتدت المشكلة سنة 2000-2001 فى كلية زراعة الشاطبى جامعة الأسكندرية لما اتخانقت دكاترة الكلية مع رئيس الجامعة وشتم رئيس الجامعة الدكاترة وقلهم انهم بهايم طبعاً الكلمة كانت جامدة جداً فقرر الدكاترة أنهم يسقطو دفعة سنة أولى علشان رئيس الجامعة يتشال فيها، ولكن طبعا رئيس الجامعة كان على اتصال بوزير التعليم العالى فقرر تغير نظام الكلية وأجبر الكلية أنها تأخد دفعة جديدة سنة أولى وطبعاً كدة بقى الكلية فيها دفعتين سنة أولى! واحدة لائحة قديمة والتانية لائحة جديدة بنظام جديد فقرر وكيل الكلية ومجلس الكلية إن دفعة اللائحة القديمة ملهمش أقسام ويدخلو كلهم شعبة عامة وأستند على إنة يقول إنهم ملهمش حق فى دخول الأقسام لانهم سقطوا السنة دى! وهى السنة اللى كانت اجبارى وسقطوها الطلبة بسبب لعب الدكاترة وطبعا رفعنا قضية على الكلية وكسبناها، لأن مش من حق الكلية أنها تجبرنا على كدة ولكن الكلية رفضت التنفيذ طبعا.. وكان معانا بنت دكتورة رفعت قضية معانا وكسبتها وهية الوحيدة الى نفذت القرار وطبعا باقى الدفعة (لا) ورفعنا قضية تانية وكسبناها بردو والكلية رفضت تنفذ القرار، لا والمهم أن الكلية علشان القضايا الى رفعناها حبت تعاقب الطلبة فكان ردها علينا أنها سقطت من الدفعة بتاعتنا الى عددها 250طالب سقطت منهم 100طالب و30 شيلتهم مدتين و20 شيلتهم مادة والباقى نجح نضيف وبإعتراف من الدكاترة نفسهم قالو (أن دى قرصة ودن لينا علشان نتنازل عن القضية).. بس للأسف اللى سقطو رفعو قضية تانى على الكلية والمهم كان المفروض أن لو قرار المحكمة أتنفذ إنهم يعملو لينا ترم صيفى علشان الترم الأول اللى ضاع مننا بس طبعا الكلية مش راضية اصل ياعينى الدكاترة عايزة تصيف ولسة احنا زى ماحنا دفعة سنة تالتة لائحة قديمة زى مبيقولو لسة شعبة عامة واحنا جيبين تقديرات كبيرة تدخلنا أحسن أقسام فى الكلية ومحدش بيسمع صوتنا خالص لا ووكيل الكلية لما طلعناله بقرار المحكمة كلمنا بطريقة وحشة جداً وقال لنا (اخبطو راسكوم فى الحيطة) ومكتفاش بكدة لا دة طردنا من مكتبة بطريقة مهينة جداً والمفروض أنة دكتور جامعى وأحنا طلبة جامعيين يعنى مش ناس من الشارع والمفروض إنة لينا حق عندة بس بقى تقول لمين وتكلم مين محدش بيسمعلنا خالص، وشكراً
الطالبة:- ليزا كمال/زراعة الشاطبى
تم تسجيل هذا الموضوع على الأنترنت بواسطة ليزا كمال عام 2004
إدارة منتديات مصريين جدعان:- الموضوعات والآراء المنشورة لا تعبر إلا عن آراء كتابها
lol!

بجد مهزلة كبيرة اوى انا اول مرة اعرف كده عن الكلية بتاعتنا والله شوف وانا اللى كنت فاكر..........ماشى يلا كله محصل بعضه

هوه إيه اللى محصل بعضه؟؟ أحنا عملنا المنتدى دا مش علشان نكشف حقائق لكن علشان نعالج مشكلات.. ولسنا عندنا المزيد

لا تعليــــــــــق

» فضيحة افريقيا !!!!!!!!!!
» فضيحة مستشفى الجامعة
» سرقة 2000 لوحة إرشادية شهرياً من الطريق الدولي الساحلى