قرب منا

موضوع: قرب منا الإثنين 24 نوفمبر 2008, 12:48 am

قرب منا

بقلم:- عبده همبكة

لو حسيت انك وحيد ......لوحسيت بغدر زمانك
قرب منا مد الايد....؟واحنا حننسيك احزانك
ايوالله هننسيك

ومعانا الاحلام حققها
هنسابق الدنيا ونسبقها
هنحب حياتنا ونعشقها
وهنعلا وهنعليك

هنلف بلاد ونعديها
وهنبني قصور ونعليها
فرحه ايامنا هنبنيها
وانت هتبني معانا باديك

شمس امالنا علينا طاله
عيش أمالك عيشها ياللا
بكره هتحققها والله
هتلاقيها جايه عليك

قرب لينا وضمنا
وعيش حياتنا وحلمنا
البسمه موجوده عندنا
هتحلي ليالينا ولياليك

مد ايدك مع ادينا
نمسح الدمعه الحزينه
ونرجع تاني لمراسينا
وعلي مراسينا هنرسيك

موضوع: أهلاً بيك الإثنين 24 نوفمبر 2008, 1:23 am

أهلاً بيك يا فنان فى بيتك منتديات مصريين جدعان، وأحب أعرف باقى الأعضاء بيك، عبده همبكه دا زميلى فى الكلية وزى أخويا وهوه موهوب فى كتابة الزجل وح يشارك معانا فى منتدى الشعر والزجل وأنصحكم تتابعوا أعماله لأنها تستحق القراءة والمتابعة.

راجى جلال - مدير منتديات مصريين جدعان

عدد الرسائل : 7 العمر : 35 تاريخ التسجيل : 29/09/2008

بجد جامدة قوى وفعلاً تستحق القراية، ويا ريت تتابع معانا وتكتب مواضيعك على المنتدى علشان نقراها

موضوع: تسلم إيديك الإثنين 24 نوفمبر 2008, 2:24 am

تسلم إيديك يا فنان أخيراً لقيت حد فى المنتدى بيحب الشعر زيى، أتمنى التواصل من خلال المنتدى.

موضوع: رد: قرب منا الإثنين 24 نوفمبر 2008, 7:54 pm

انا بشكر كل اللي قرأ الموضوع .وبتمني يكون عجابكم ويا ريت اقدم دايما كل جديد..
واللي يحب اكتبله عن موضوع معين يبعتلي وبأزن الله احاول اكتبله

موضوع: رد: قرب منا الخميس 27 نوفمبر 2008, 2:44 am

مستوى متميز أتمنى لك الأستمرار على هذا المستوى

موضوع: رد: قرب منا الخميس 27 نوفمبر 2008, 6:21 pm

الله يباركلك يا همبكة وللاحسن ان شاء الله وتستمر في اللي انت فيه

موضوع: رد: قرب منا الخميس 27 نوفمبر 2008, 6:54 pm

اشكرك يا باشا هوندا وانت كمان كتاباتك رائعة..ودايما يارب في مستواااك