هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


مستنينك من زمان/ كبار وصغيرين كمان/ الاسم حلو علي مسمي/ منتدي مصرين جدعان
 
الرئيسيةأحدث الصورالتسجيلدخول
بحـث
 
 

نتائج البحث
 
Rechercher بحث متقدم
أفضل 10 أعضاء في هذا المنتدى
zerocool
تاكسى اليابان Vote_rcapتاكسى اليابان Voting_barتاكسى اليابان Vote_lcap 
Admin
تاكسى اليابان Vote_rcapتاكسى اليابان Voting_barتاكسى اليابان Vote_lcap 
يسرى حسن
تاكسى اليابان Vote_rcapتاكسى اليابان Voting_barتاكسى اليابان Vote_lcap 
دودى
تاكسى اليابان Vote_rcapتاكسى اليابان Voting_barتاكسى اليابان Vote_lcap 
eslamcrspo
تاكسى اليابان Vote_rcapتاكسى اليابان Voting_barتاكسى اليابان Vote_lcap 
just_ahlawy
تاكسى اليابان Vote_rcapتاكسى اليابان Voting_barتاكسى اليابان Vote_lcap 
عبده همبكه
تاكسى اليابان Vote_rcapتاكسى اليابان Voting_barتاكسى اليابان Vote_lcap 
honda zamalkawy
تاكسى اليابان Vote_rcapتاكسى اليابان Voting_barتاكسى اليابان Vote_lcap 
ساندرا صلاح
تاكسى اليابان Vote_rcapتاكسى اليابان Voting_barتاكسى اليابان Vote_lcap 
hossam
تاكسى اليابان Vote_rcapتاكسى اليابان Voting_barتاكسى اليابان Vote_lcap 
المواضيع الأخيرة
» شركة ايكونز للتسويق والدعاية والاعلان في مصر
تاكسى اليابان Icon_minitimeالخميس 08 سبتمبر 2011, 9:10 pm من طرف sabryna

» اقوي شركات التسويق الالكتروني في مصر
تاكسى اليابان Icon_minitimeالأحد 28 أغسطس 2011, 3:07 pm من طرف sabryna

» كيف تخرج بمنتجاتك الي العالمية بواسطة التسويق الالكتروني
تاكسى اليابان Icon_minitimeالأحد 14 أغسطس 2011, 12:21 am من طرف sabryna

» تعلم الكمبيوتر واللغات بسهولة عن تجربة
تاكسى اليابان Icon_minitimeالأربعاء 10 أغسطس 2011, 4:15 pm من طرف ولي الدين

» النهضه المصرية بعد الثورة المصرية
تاكسى اليابان Icon_minitimeالجمعة 05 أغسطس 2011, 4:30 pm من طرف DREEM2020

» مصر اولا يا مصريون
تاكسى اليابان Icon_minitimeالجمعة 29 يوليو 2011, 11:59 pm من طرف DREEM2020

» مصر تريد ان تحيا من جديد
تاكسى اليابان Icon_minitimeالأحد 10 يوليو 2011, 8:31 pm من طرف DREEM2020

» كونكر تهييس جلوريا الجديده لعبه جامده جدا و اون لاين كمان
تاكسى اليابان Icon_minitimeالثلاثاء 17 مايو 2011, 2:32 pm من طرف selia

» منحة "مشروع تعلم" المجانية
تاكسى اليابان Icon_minitimeالثلاثاء 18 يناير 2011, 1:40 am من طرف sabryna

تصويت
هل تتوقع أن يكون مصريين جدعان واحد من أشهر المنتديات خلال الأعوام القادمة؟
1- نعم
تاكسى اليابان Vote_rcap55%تاكسى اليابان Vote_lcap
 55% [ 77 ]
2- لا
تاكسى اليابان Vote_rcap30%تاكسى اليابان Vote_lcap
 30% [ 42 ]
3- لا أعرف
تاكسى اليابان Vote_rcap16%تاكسى اليابان Vote_lcap
 16% [ 22 ]
مجموع عدد الأصوات : 141
المتواجدون الآن ؟
ككل هناك 9 عُضو متصل حالياً :: 0 عضو مُسجل, 0 عُضو مُختفي و 9 زائر :: 1 روبوت الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 131 بتاريخ الجمعة 04 فبراير 2011, 6:01 pm
احصائيات
هذا المنتدى يتوفر على 186 عُضو.
آخر عُضو مُسجل هو ابو عمر فمرحباً به.

أعضاؤنا قدموا 2578 مساهمة في هذا المنتدى في 1121 موضوع
التبادل الاعلاني
احداث منتدى مجاني
pubarab
منتدى

 

 تاكسى اليابان

اذهب الى الأسفل 
2 مشترك
كاتب الموضوعرسالة
eslamcrspo




ذكر
عدد الرسائل : 253
العمر : 36
الموقع : المربوعة
تاريخ التسجيل : 26/11/2008

تاكسى اليابان Empty
مُساهمةموضوع: تاكسى اليابان   تاكسى اليابان Icon_minitimeالثلاثاء 16 ديسمبر 2008, 6:33 am

تاكس تاكس ..اليابان ياسطى ...

- لا يابنى مش طالع انا لسه طالع من الكمين (الشرطة) والرخص مسحوبة ..

- معلش يااسطى اطلع بقا وربنا هيسترها معانا متقلقش انا حاجة كبيرة اوى فى البلد ومفيش حد هيقولك رخصك وبرضه الاحتياط واجب بلاش تطلع على اليابان علطول لف بينا من المكسيك دول عالم غلابة وملهمش فى حاجة يااسطى وياريت تقف فى مكسيكو سيتى عشان عاوز اطلع اسلم على خالتى شكشوكة هى طيبة قوى وملهاش فى حاجة ساكنة فى الدور ال13 ..وحالتها زفت وعاوز اديلها حاجة تسند بيها نفسها لاخر الشهر

- مكسيكو سيتى البلد ولا مكسيكو سيتى المحطة يابنى

- انت هتهزر يااسطى شغلنا اى حاجة نسمعها ونروق الكلام وياريت لو عندك اى حاجة لسعد الصغير ..

- انت تؤمر اسمع اغنية سعد الجديدة ... الاهلى فى كل حتة عمالى يشيل اجوان وزى مالبس الكمين ..شال فى اليابان

- الا صحيح يابنى انت رايح اليابان ليه

- انت مش عايش ولا ايه يااسطى فى هناك كاس العالم للاندية والاهلى العالمى هناك ..وانا رايح اتفرج على الماتش من ارض الملعب واشوف الاهلى فخر العرب ومصر وافريقيا والامم المتحدة وعم عبده الحلاق وابراهيم سكلانس الى ساكن فى الشارع الى ورانا

- بطولة العالم يااابوى يعنى هتلاعبوا البرازيل والارجنيتين وهتطلعوا فى التلافزيون على المحطات الاوربية .

- لا يااسطى مش البرازيل والارجنيتين ..من الاخر كده البطولة ديه مفيهاش غير فريقين الاهلى (ومانششتر يونايتد) واحنا رايحن نغلب مانششتر ده ونرجع بالكاس ..

- مانششتر مرة واحدة ..وكمان اول ماتش

- فى ايه يااسطى انت شادد كولة على الصبح ولا ايه ..اول ماتش ده مع باتشوكا فريق كده عامل زى مركز شباب اولا عم سيد البرعى الى جنب الخرابة بيلعب فى المكسيك فى المركز ال13 .. واحنا الاهلى ابطال مصر وافريقيا يعنى ماتش نزهة بالنسبة لنا لو اطقم اللبس بس نزلت الملعب من غير لاعيبة هنكسبهم يعنى كسبانين بس ده احنا الاهلى وعنجنا ابوتريكة اكبر شعبية فى العالم واحسن لاعب فى العالم واحسن كل حاجة فى العالم

- ايون ابوتريكة سمعت عنه ..ده مشهور جدا

- اخير يااسطى عرفت حاجة بدماغ الكولة الى انت عملها ديه

- اصل يابنى كان راكب معايا شاب تمام وكفاءة اسمه ياسر وكنت سامعه بيقول ده يستاهل جائزة مهرجان كان السينمائى ...غير انه يستحق لقب الفراشة الذهبية ببدلتين الغطس الى عنده واحدة لمنطقة الجزاء وواحدة لبرة المنطقة ..ومن ساعتها عرفت انه لاعب كبير خلص جوائز الكورة وبيدوروا يدوله جوائز السباحة والسيما..

- مين ياسر ياسطى ده ..ده (وقبل مايكمل الكلام لبس قفا على قفاه سمعته مكسيكو سيتى كلها نفر نفر)

وبعد مسافة طويلة وعلى ابواب اليابان ايقظ السائق المشجع الاهلاوى النائم ...

- اصحى يابنى وصلنا اليابان..

- بجد يااااسطى ..وجينالك يايابان .. وزى ماهنيدى نيم الصين من المغرب احنا هنيمك من الضهر يايابان .. احنا الاهلى يايابان .. انتى مين

- الاستاد اهوه يابنى اجى اخدك امتى

- بعد النهائى ياسطى انت عارف احنا مش هنتنازل على اقل من النهائى ونغلب مانششتر ..

- على العموم خد نمرتى وابقا رنلى وانا حاجى اخدك علطول

دخل صاحبنا الاهلاوى الاستاد وكله مفعم بالحيوية والنشاط وعمال يجعر ولا قطن ولا كتان الاهلى فى اليابام والسنة الجاية ولا فجل ولا كرات الاهلى فى الامارات ..ووفجأة وهوبااااااا الهدف الاول للاهلى احرزه لاعب باتشوكا فى مرماه من خطأ دفاعى وهوبا الهدف التانى للاهلى وصاحبنا عمل يتنطط احنا الاهلى انتوا مين ..احنا الاهلى العالمى الكبير اوى ..وانتهى الشوط الاول ..

اما الشوط التانى حدث ما حدث (مش عاوز اقول قلة الادب الى حصلت ياجماعة مهما كان دول اخوتنا برضه والاهلى فريق مصرى ولازم نحافظ على شعورهم (الى هما كانوا بيشدوا فيه النهارده) فيها ايه يعنى لم يفضحوا مصر وافريقيا عادى بتحصل كتير وفيها ايه لما يشيلوا 4 مع الرأفة والماتش كان اقل واجب يخلص 7 ولا حاجة عاااادى وفيها ايه لما يقعدوا شوط كامل ميلمسوش كورة برضه عااادى .. منبقاش قلبنا فسفورى كده من جوه بتحصل كتير )

وهنا خرج صديقنا يبكى وقابل احد الاصدقاء الاهلاوية ..

- شوفت الى حصل ..شوفت الى حصل ..ضاع الحلم ..ضاع استك الشراب

- منه لله التحكيم هو السبب

- فعلا منه لله الحكم فين ضربات الجزاء وفين والطرد ..احنا عندنا الحكومة بتصرفلنا على كل ماتش ضربتين جزاء وطرد احنا لازم نعمل حاجة مظاهرات نسحب السفير من اليابان ..منشتريش منهم اجهزة كهربائية نعمل حاجة نردعهم بيها

- اه عندك حق ازاى ابوتريكة مايخدش ضربة جزاء انا اطالب مجلس الاهلى انه يستقيل لو مش هيعرف يجيبلنا حقنا فى الماتشات ضربتين جزاء وطرد ويلغوا التسلل

- لا مجلس ادارة الاهلى قايم بمجهوده كامل انا سمعت انهم تقدموا للجنة المنظمة للبطولة بيطالبوهم ان الى يحكم لنا الماتش بتاع المركز الخامس والسادس سمير عثمان ..

- يحيا العدل كده اطمنك اننا هنكسب زى مابنكسب فى مصر ..واهوه برضه المركز الخامس نعمة برضه

- طبعا المركز الخامس نعمة بس انا الى مزعلنى اننا مش هنلاعب مانششتر كان نفسى نعلم عليهم وخاصة كريستيانو رونالدو ..عشان الواد ده مغرور ومفكر نفسه حاجة

- صح كنا هنعلم عليهم تخيل كريستيانو رونالدو وهو بيتعلم من كريستيانو عجيزى ولا رونى وهو بيتعلم من فلافيو ..زمانهم بيبوسوا ايديهم وش وضهر انهم فلتوا من الاهلى ..

وهنا احس المشجع الاهلاوى بفقدان الامل فى انه يعلم على مانشستر يونايتد فقرر ان يرجع بلده ويتابع الفريق وهو يلعب على المركز الخامس من منازلهم واتصل بسائق التاكس ..وجاء سائق التاكس..


- ايه يابنى مش قولت مش هتروح غير بعد النهائى

- معلش يااسطى تعبان وية قولت اتابع البطولة من بيتنا

- طيب وماتش الاهلى خلص كام

- 4 -2 ياسطى

- الاهلى جاب اربعة بس فى الفريق التعبان ده .. وازاى فريق زى ده يجيب فى الاهلى هدفين اكيد كان فى حاجة غلط .

- لا الاهلى خسر اربعة

- ههههههه هتشتغلنى ياواد ياعفريت هو الاهلى بيخسر برضه

- لا والله بجد اصل عاوز اقولك حاجة هو ده مستوى الكورة الافريقية ...


- لا ..لحد كده واقف انا عامل دماغ كولة اه .. لكن تستهين بقارتى ماما افريقيا لا .. افريقيا طول عمرها جااامدة واحسن من امريكا الشمالية الى ملهاش فى الكورة اساسا ثم ايه المكسيك ثم مش بتشوكا ده الى النجم الساحلى غلبه وشرف افريقيا وصعد بعد اما اخد البطولة على حسابكم فى ارضكم ووسط جمهوركم ..ثم مش انت كنت عامل لى دكر بط واحنا فى السكة وعمال تقول احنا واحنا واحنا .. فوق من الوهم الى انتوا عايشين فيه ..مش تقعدوا تتفرجوا على كابتن ماجد بالليل وتصحوا الصبح تتوهموا انه الاهلى ..منها لله سبيس تون من ساعة مادخلت كل بيت وهى خلت كله عايش فى كوكب اكشن ..هو ده مستواكم المحلى اخركم محلى .. ده لو عرفتوا تعدوه اساسا .. بس ارجع واقول العيب مش عليكو .. العيب على الاعلام الاحمر الى قعد ينفخ فيكم وعمل منكم وحش .. وانتوا ياحرام قطة ...لكن عندما يجعل الاحلام من القطة اسدا ويصدق انها اسد ويخاف الاقتراب منها ..



- براحة براحة يااسطى فى ايه ..انت ايه ..الى انت متعرفهوش بقا ان لاعيبة الاهلى قصدة انها تتغلب علشان هما راحوا بدرى عن كل الفرق (فرحانين انهم رايحين اليابان بقا وهيجيبوا الديب من ديله) فلقوا الجو ساقعة قالوا يرجعوا بدرى ..


- بقولك ايه ريح بقا صدعتنى انتوا مفيش ولا مرة ابدا تخسروا بمجهودكم



- بقولك ايه يااسطى انت شكلك عميل .. احنا الاهلى العالمى .. نادى القرن ..نادى البطولات العالمى وتالت نادى عالمى .. واحنا كل حاجة .. وكل حاجة احنا و احنا واحنا واحنا ووووووووو احنا ولا حدش سمى علينا
[center]
الرجوع الى أعلى الصفحة اذهب الى الأسفل
zerocool

zerocool


ذكر
عدد الرسائل : 550
العمر : 34
تاريخ التسجيل : 11/11/2008

تاكسى اليابان Empty
مُساهمةموضوع: رد: تاكسى اليابان   تاكسى اليابان Icon_minitimeالثلاثاء 16 ديسمبر 2008, 4:20 pm

جامد يلا وبتعرف تتكلم
الرجوع الى أعلى الصفحة اذهب الى الأسفل
eslamcrspo




ذكر
عدد الرسائل : 253
العمر : 36
الموقع : المربوعة
تاريخ التسجيل : 26/11/2008

تاكسى اليابان Empty
مُساهمةموضوع: رد: تاكسى اليابان   تاكسى اليابان Icon_minitimeالثلاثاء 16 ديسمبر 2008, 8:36 pm

خد يلاة
تعالى ياولة
اة يا ولة يا ولة
خد اجولك خد
ويقولك انى مش فلاح انى اسكندرانى
الرجوع الى أعلى الصفحة اذهب الى الأسفل
 
تاكسى اليابان
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتديات الرياضة :: رابطة مشجعى الزمالك-
انتقل الى: