هوه الأنسان ممكن يتغير؟؟

هوه الأنسان ممكن يتغير؟؟

أنا بكتب الموضوع دا بأسلوب أرتجالى كأنى بأناقش نفسى فسمحونى لو حسيتم أن الأسلوب ضعيف.. لكن المهم أن الفكرة توصل.. من دقائق خلصت حفلة عيد ميلادى الـ 19 ففكرت فى السنة اللى فاتت عليا لما كان عندى 18 سنة وأكتشفت أنها أكتر سنة كنت فاشل فيها سواء على مستوى الدراسة أو على المستوى الشخصى.. وإليكم ما حدث خلال العام الماضى

1-حبيت زميلتى فى الكلية وأكتشفت أنها مش معبرانى وأنها مرتبطة (إيه يعنى بيحصل فى أحسن العائلات!!)
2- نجحت بالعافية وجبت أقل الدرجات وسقطت فى مادتين.
3- أخلاقى بقت فى النازل.
4- أتعاركت حوالى 140 ألف عركة لأسباب ساذجة وعلشان خاطر بنى آدمين أكثر سذاجة.. ويظهر أنى كنت حريص على تطبيق مقولة بيرم التونسى لما قال
من هفوة أو كلمة هايفة/ نتحمق ونقوم/ نهب وندب/ ويقوم العراك بالشوم

أما الغرض من هذه المصارحة هو محاولة عدم تكرار نفس الأخطاء.. أما الهدف من هذه الحكاية فهو سؤال وهو موجه لجميع أعضاء المنتدى الكرام... هوه الأنسان يقدر يتغير للأحسن؟ وإيه اللى ممكن يعمله علشان يتغير؟

أنا فى إنتظار أقتراحتكم وآرائكم

راجى جلال - مدير منتديات مصريين جدعان

راجي بصراحه سؤال في محله وفي وقته ..بس أنا عاوز اقول ان الانسان يقدر يغير من نفسه
ولو نرجع للقرأن الكريم بسم الله الرحمن الرحيم(ان الله لا يغير ما بقوم حتي يغيروا ما بأنفسهم)صدق الله العظيم..
ازا نقدر نغير من نفسنا للاحسن
وعلي فكره عشان نعرف اي الاحسن لازم نقع في الغلط الاول ..
لكن الغلط الحقيقي اننا منتعلمش من الغلط...
وعلي فكره سؤال مهم جدا..شكرا

ليس عندى أضافة بعد ما ذكرته أنت سوى تذكير نفسى وتذكير الأعضاء الكرام بما أشرت أنت إليه.. وما قاله المولى عز وجل.. بسم الله الرحمن الرحيم (ان الله لا يغير ما بقوم حتي يغيروا ما بأنفسهم) صدق الله العظيم..

الأول كل سنة وأنت طيب ويا رب السنة دى تبقى عليك وعلينا أحسن من السنة اللى فاتت، بالنسة لسؤالك وهوه سؤال مهم، فعلاً الأنسان ممكن يتغير ومفيش مشاكل لو كان عمل حاجات غلط المهم أنه يغير من نفسه للأحسن ويحاول أنه يتعلم من أخطائه، مرة تانية كل سنة وأنت طيب يا راجى

موضوع: سهل جدا بس الجمعة 05 ديسمبر 2008, 3:18 am

على فكرة يا راجى اوعى تفتكر ان الانسان صعب يغير من نفسه بالعكس ده سهل جدا بس احنا اللى مش عايزين يعنى انا عندك اصحابى بيقولوا انى ممكن ادبلر السنة دى بس انا لسه ف ايدى انا ارجع واجيب تقدير بس ده لو انا عايز على راى كلمة واحد صاحبى قالها لى ان المخ ميعرفش حاجة اسمها فشل هو يعرف حاجة اسمها نجاح بس ولو نجاح فى الفشل يعنى مفيش انسان بيفشل من نفسه احنا اللى بنخلى نفسنا كده وعشان احنا اللى فى ايدنا نخلى نفسنا كده يبقى نقدر نرجع نفسنا تانى
بسم الله الرحمن الرحيم
"فالهمها فجورها وتقواها"
صدق الله العظيم

كل سنة وأنتم طيبين وعيد أضحى مبارك.. وكل سنة وأنت طيب يا راجى ويا رب رسالتى تكون وصلت.. أنا عندى سؤال هيه ليه معبرتكش؟؟.. أنا بهزر مش دا سؤالى أنا سؤالى ليه تعتبر دى أخطاء كبيرة أو تعتبر السنة اللى فاتت سنة وحشة بالنسبة لك فى حين أنا عارفة أنها السنة اللى أنت أتعرفت فيها على ساره.. أنا فى رأيى أنك تركز على النواحى الإيجابية فى حياتك وانا عارفه أنها كتير.. أما بالنسبة للأخطاء الصغيرة دى فحاول أنك تتجنبها فى المستقبل

طبعاً الأنسان ممكن يتغير للأحسن المهم أنه يكون عندى الإرادة والنية علشان يكون أنسان أحسن وكل سنة وأنت طيب يا راجى بس أزاى ما تعزمش صحابك فى المنتدى على حفلة عيد ميلادك؟؟

عدد الرسائل : 5 العمر : 47 تاريخ التسجيل : 29/09/2008

يا عم راجى اخيراً كملت 19 سنة والله أنت صغير قوى، كل سنة وكل الاخوة المسلمين بخير بمناسبة عيد الأضحى، أنا شايف أن الأنسان ممكن يتغير للأحسن والعامل الأساسى اللى ح يساعده فى كده هوه الناس اللى حواليه سواء فى البيت أو أصحابه فى الكلية والشارع الناس دى هيه اللى تقدر تغير للأحسن أو للأوحش علشان كده لازم الواحد يغير صحابه لو كان عايز يغير نفسه

طبعاً الأنسان ممكن يتغير للأفضل أنا مثلاً السنة اللى فاتت كنت بأشرب سجاير ولما حسيت أن صحتى بقت فى النازل آخدت قرار وبطلت شرب سجاير والحمد لله دلوقتى وفرت فلوسى وصحتى بقت أحسن.. يبقى أكيد الأنسان ممكن يتغير للأحسن بسالمهم إتخاذ القرار

ارجوك يا عم رفعت تقول كده لهمبكة لانى تعبت معاه

راجي كل سنه وأنت طيب

انا بهديلك الاغنيه دي بأسمي وبأسم كل الاعضاء
وبدعو الاعضاء كلهم لقرايتها علي منتدي الشعر والزجل ...ويا رب تعجبكم..
وكل سنه وانت طيب يا احلي راجي

والله العظيم أنت اللى أحلى همبكة فى العالم، شكراً على القصيدة الجميلة دى وبجد دى أضافة كبيرة لمنتديات مصريين جدعان

عدد الرسائل : 3 العمر : 44 تاريخ التسجيل : 03/10/2008

السلام عليكم يا أعضاء المنتدى الكرام وكل عام وأنتم بخير وسعادة ونجاح

فى رأيى علشان الأنسان يتغير لابد من مناقشة مع النفس للأسباب التى دفعته إلى هذا الأخفاق والفشل.. ويتذكر المرء منا دائماً الرحمن فى كل تصرف وفى كل حرف ينطق به لأن الله يرانا ومطلع على ما نفعله

شكراً على الردود المتميزة، وأخيراً يا أبو خالد دخلت على المنتدى وأمتعتنا بمشاركاتك.. نحن فى إنتظار جديد إبداعك.. كل عام وأنت بخير

عدد الرسائل : 10 تاريخ التسجيل : 09/11/2008

سؤال صعب قوى.. هوه إجبارى ولا إختيارى؟؟؟

عدد الرسائل : 4 تاريخ التسجيل : 30/11/2008

كل سنه وانت طيب يا راجى الانسان ممكن يتغير لو عرف هو عايز ايه وحدد هدف وسعى وراه

عدد الرسائل : 4 العمر : 34 تاريخ التسجيل : 03/10/2008

كلامك مظبوط.. أنيس منصور له كلمة بتقول: "إذا حددت هدفك فقد قطعت نصف الطريق".. وكل عام وأنتم بخير وعيد سعيد.

شكراً جزيلاً لك يا سوبر بلبل على مشاركتك وأنا شخصياً ح آخد بنصيحتك

إيه دا ميسى باشا بقى فصيح قوى وبيستشهد بكلمات لكتاب صحفيين.. كل سنة وأنت طيب يا ميسى ويا ريت رسالة العيد تكون وصلت لك وسلم لى على كل اللى عندك وقول لهم كل عيد وهما بخير

اكيد الانسان لازم يتغير طالما كل حاجه حوليه بتتغير لكن لو اللي حوليه فضل زي ما هو ولاهيحصل حاجه وهيفضل زي ما هو
انا عندي فكرة علشان تتغير انت ممكن يا راجي تقعد معايا اسبوع واحد بس وانا هغيرك خالــــص

طيب ما أنا بقالى ثلاث سنين قاعد معاك فى الكلية إيه اللى حصل يعنى؟؟ هاهاها

اللى حصل انكم بقيتم اصحاب هاهاها

لا أنا وخالد مش أصحاب أنا وخالد زى الأخوات وأكتر.. تفرق كتيررررررررر

» ممكن طلب؟؟
» !!!!!!!!!!!!!!!!!!!!!!!